سيف اليمر عالراس من الله مرسول *** بس مااحس وياك لو لحظه مذلول
جسر ونظل للدوم واعبر علينه *** للجسر هم تحتاج واذكر حجينه
ماهمني هم الناس بس همك انته *** وهم الگلب مكسور وشلون خنته
مو لاجلك نود اللي تودهم *** ولك لاجلك نگاوم من تضدهم
يفصلني عنك بيت وسبعة جورايين *** وشوﮔــي أدزه بليل مثل البزازين
دورت ماخليت رايد مُحب وافي *** كلهه ماي وياي وحُبهه الخشب طافي
يا ديج صيح بقهر و سمع الاحباب *** الفجر هل من وكت و الجرح ما طاب
كافي لمعاتب و كف كافي من الفراك *** دنيانه تكضي بقهر و الطيكه و الطاك
شسويت انه ياهواي وانته خذلتني *** مرخوص الك هالروح يالضيعتنير
ارد اسألك يافلان يالبلهوى استاد *** تكدر تخيط جروح ما الهن ضماد
لو متت يا ابن الناس عن موتي مسؤول *** متولعه بيك الروح بس تستحي تكول
صدكني ما ناسيك دومك على البال ... هم شفت واحد عاش لو كلبه ينشال
الرئيسية 
أحدث الصور 
التسجيل 
دخول 
السبت فبراير 16, 2008 11:45 am
