حوار بين ام عاشت في زمان الحب و***تها التي عاشت في زمان المال عندما جاء رجل يحبها لكنه لا يملك المال التي كانت تحلم به :
الام:
يمه الاجه *** جواد موش *** غربة
اصل الستر والطيب واصل المحبة
البنت:
اليخطبني لازم كون انه الاريده
عنده قصر واموال وسويجه بيدة
الام:
ابكبرج واجه الخطاب كتلهم ارضة
جابولي خام الشام والحجل فضة
البنت:
يمة زمانج راح بيه انظلمتي
وذاك الوكت مرفوض مو مثل وكتي
الام:
عشنا بوفة وبطيب كل الليالي
لازفة لاكنتور.... لامهر غالي
البنت:
اعرف بنات هواي عزن نفسهن
اتكلف كذا دينار بدلة عرسهن
الام:
اشرايج لوَن زنكين عالحسن حبج
وملج بعد شهرين واعلينة ذبج
البنت:
بنتج بعدها اليوم حلوة وزغيرة
مو مشكلة من يروح يخطبني غيرة
الام:
بس كلمة عندي وياج ولله شهادة
بالوفة وبالاخلاص سر السعادة
البنت:
اخر كلام وياج متطورة انه
والما يجيب المال شلي بحنانة
الام:
اختاري والله اوياج يا سلوة العين
امج واعرفج زين باجر تندمين
ان شاء الله تعجبكمـ
تح ـــياتي