شعر رووعة للشاعر عباس چيچاين

[الارقام]
اولا .. نريد نحچيها بصراحه مو بس كتل حط النقط فوگ الحر.
ثانيا .. وف الطلي نفس الطلي مال الفواتح ومن كبر سمو خروف .
ثالثا .. ضاعت الحسبه علينا ومفتهمنا بين المتهم والمدعي العام والقاضي رؤوف .
رابعا .. اذا كنت متهم لا سامح الله لا توكلك محامي لأن غامضه كل الضروف .
خامسا .. لا تنفخ بجربة قديمه شما تسد الزرف تطلعلك زروف .
سادسا ..ياهو گام كض الدف يغني كلها غنت كلها دگت بالدفوف ..
سابعا .. كان عدنا يوم عاشر من محرم بي طف هسه كل ايامنا صارت طفوف .
ثامنا ..الأمان الكان عدنا ضاع منا دورينا ومالگينا بس زرعو ا بدارنا الخوف .
تاسعا .. صرنا للعالم قضيه وبطلوا ما ناقشوها وانست فوگ الرفوف .
عاشرا .. كان عدنا صنم واحد نحلف براسه صدگ لمن نچذب هسه عدنا اصنام بگد عينك تشوف .
حادي عشر .. كان عدنا حجاج واحد شايل بيده سيف هسه الف حجاج يرفع بالسيوف .
ثاني عشر .. خلني ساكت لا تحچيني اعله بختك ميليشيات هواي والقاضي تعرفوه .
ثالث عشر ..لا تصدگ يا اخي تصيرلنا چاره عدنا بيت الله البمكه ورحنا عند البيت الابيض نحتمي كلنا ونطوف .
رابع عشر .. گبل بالتوقيف من نام نگدر ننتچي ونمد رجلنا وهسه بالتوقيف نومونا وقوف .
خامس عشر ..چنا من نعطش يروينا نبع دجلة وفرات وهسه عطشانه وعلي حتى الجروف ..
سادس عشر.. كان عدنا جيش باسل وكان سده اعلى الحدود حلوا الجيش الجماعه ولقرار بريمر نهز الچتوف .
سابع عشر ..هاي وين وذيچ وين شما ضربنا شما قسمنه شما جمعنه شما طرحنه يطلع الناتج صفر جوه الألوف.
ثامن عشر .. ما اگلك كان وضع الناس زين بس الشمس من تطلع خجوله اشوه من شمس الكسوف .
تاسع عشر .. الهاونات التنضرب وسط المناطق تگطع الرجلين وتگص الچفوف ..
عشرين .. ديمقراطية التهجير هذي الطبقوها تعوف بيتك لو صدگ عمرك تعوف .
واحد وعشرين .. الحرامي الچان يسرگ السابع جار جارك هسه اهو ابيته وعلى غراضه يحوف ..
ثاني والعشرين .. الخطيب الچان يخطب ينتهي برص الصفوف هسه صارت مهنته يفرق الصفوف .
ثالث وعشرين .. من الرصافه تريد تعبر للكرخ بدل اسمك ياعلي سمي عمر من الكرخ تريد تعبر للرصافه بدل اسمك يا عمر سمي علي بلكي يبعدون عنكم يا علي وعمر يوم الحتوف

جميلة

كلمات راائعه للشاعر المبدع عباس جيجاان

شكرا على الكلمات
تحيااتي للجميع

احمد البصراوي

قـ ـصـ ـيـ ــ ـدهـ ـ ـ ـوكـ ـلمـ ـآتـ ـ فـ ـيـ ـ غـ ـآيـ ـهـ ـ آلـ ـرـ ـوئعـ ـهـ ـ

» البوم عباس جيجان
» قصيدة للشاعر احمد الجاف
» قصيدة ابليس للشاعر المبده صباح الهلالي
» ما عـاد َ ســِرَّا... رَقيم ُ الكــَهـْـف/للشاعر الشـّيباني
» قصيدة لعيونكم للشاعر محمد رحيمة الطائي