قصيده لضياء الميالي

تكلي اتركني انته شبيك مجنون
هوه اليحب مثلك يتركه
تكلي اتركني طلعت منك شلون؟
نتقاسم بالنفس والروح شركه
امد شارع عنادي بخلصت تهون
واوصل للنهايه والكه فلكه
وارجعلك كلب مشتاك وعيون
وملك شاريك لو ينطيك ملكه
اذا شفتك بعيد يغيم الكون
واعض اشفايف حركه وجفه افركه
تحاجيني بترف وصوت مزيون
وتصورها الزمه تصير امسكه
لك كون امسك اشفافك واكلب الكون
وجبل ثابت من البوسات احركه
بعد لتكلي احبك كون شيكون
هوه الي يحب مثلك يتركه
واسولفلك عليه وخل اكلك ليش
اسمعت منك كلام يهدم الحيل
وعلي اليوم مر يوم القيامه
اني الي احب وميت اعليك
تكلي انساني اذا عندك كرامه
اشو عندي كرامه وباقي ما انساك
اجلب بيك اجلب لو تصير الموت
وحلال الكون يتساوى بحرامه
عكس السير امشي بخلك مجنون
واذا يلزموني عود ادفع غرامه
انه مسودن اصيل وراسي مقفول
ودماغي مسكر ومابيه جامه
اعوفك اني اعوفك ليش وشلون
يضحكه عيد بعيون اليتامى
يا اول نفس صافي اتنفسه بدنياي
ويحب بلا وجع وبلا ملامه
اعوفك ما اعوفك واترك الموضوع
وكبل متروح سلم على ماما

رووعه كلمات جميلة

عاشت ايدك على الموضووع

لك تحياتي سيدتي العزيزة

كلمات رائعه وجميله للشاعر المبدع ضياء
عاشت ايدك
تسلمين هداوي

مشكورين على الردود الرائعه

مشكوووووووووووره بارك الله فيك ياعمري

زائر

جميله كل ماتكتب اياديكم لانها تعودت على الجمال لانها جميله

مشكور بنت الزبير على الرد
مشكور امير العرب على الرد

» قصيده رائعه بعنوان (امي)
» قصيده لشاعر ابراهيم منذر
» قصيده رائعه لعباس جيجان
» كافيه الاديب الشاعر مناف ناجي:قصيده الاوسكار شارك بالشعر
» شاهد وتصفح قصيده للشاعر الكبير بدر شاكر السياب لسيد الشهداء