ياهو الفتح بابه

زائر

ياهو الفتح بابه .. وگلبه مابي غيض ؟؟
واتلگه اعدائه
أبضحكه واتبشر ؟
جرب خل ازعلك ، مره لو مرتين
شوف اشلون
گلبك عني يتغير !!
وجرب لو اشتمك ، واطلب الغفران
تريد اگبال ناس ..
ومنك اتعذر
وجرب لو طلبتك .. قصدي طلبة دين
يمكن ثاني مره
اتگلي ما اگدر
وجرب مره أبنك .. خالفك بالراي
شوف اشگد غرورك
ياخذك للشر ؟؟
أنا احجيلك العندي .. وعاين الانسان
على اقرب الناس
ابلحظة يتكبر
عاين على اخطائك
يا اخي الانسان
وشوف اشگد رحيم
اليمحي ماقدر
نقهر بالذنوب الصخر
تالي ايذوب
بس ربك كريم
ابعفوه مايُقهر
نخطي وهو يمحو..
والخطأ ينعاد
ويضل واصل رحمته
لآخر المعبر
الجنان مفتحه
وموصوده باب النار
ابشهر رمضان
ربنا انطانه ماقصر
الهي ابرحمتك ،
ما نخفي كلنه اذنوب
ويم بيبان جودك
هالذنب يُغفر
بنهر عطفك الهي
نغتسل كل يوم
وهي قطره من عطفك ..
كلنه نتطهر

يسلمواا

على هذه الكلمات الرووعه

لك مني اجمل التهاني على هذا الابداع المتواصل

لك جل تقديري وامتناني

» برنامج ياهو السابع يله دردش براحتك