واضح عليك الهوى

هي : امبين عليك الهوى .. ومعروف احساسك ..
وشبيك شو مرتبك .. من چدمك الراسك ..؟؟

هو : ارتبك لمن اچي والگاج گدامي
وصحوة عشگ وانتبه .. من اجمل احلامي
لا بيه احچي الصدگ ..
ولا بيه اخفي العشگ ..
بس باقي حبي الچ ..
عذبني واتعذبت .. يامصعب ايامي ..

هي : وشتريد ..؟
فات الوكت .. شيرد وكتنه الفات ..؟
وهم تظن كثر الدمع ..
رجًّع علينه المات ..؟
وشصرت اني الك ..
مو وحدي حلوة تره ..
ياما اشكثر حلوات ...

هو : صرتيلي نغمة حزن .. تعزف على اوتاري
وصرتيلي .. صفنة محب ..
واتغازل افكاري ..
والنار بيه تشب ..
ماردتچ انتي حطب ويزًّيد ابناري ...
لوما انتي ياسلوتي ..
ماحس حلاوة شعر صدگيني بشعاري ...

هي : وشتريد فات الوكت ..
لو جايني من چنت اغفه اعله ليل الهوى
وانطيه اسراري ..
ولو جايني من چنت اتغازل ويه الذي ..
يطريك بالطاري ..
بس هسه اجيت ابوكت ..
ما اگدر انطي رأي ..
حكمتني اقداري .......





للشاعر محمد رحيمة الطائي

كلام رائع وجميل
شكرا