للمعذبين فقط

هلي بية درو قمت أني أحبك ....
ودروا بس أنتة تلفتلي أنتباهي ...
وهلي دروا من تتزاعل وياي ...
أضل أصرخ رحمتك يا ألهي
هلي نشدوني عنك وقلت بالروح .........
ونشدوني على روحي وقلت ما هي ........
وأنتة هواي متغير هالايام ..
والي براسك حكوا أني أعرفتهم ..........
نفسهم همة أجوا وتقربولي .........
دقو باب قلبي وطردتهم ........
لأن تقديرك أنتة فوق عالراس ....
أحطهم وين أنا لو قدرتهم .........
أنتة ما تجي بس أنة أشوفك ....
وهمة شقد أجوا بس ما شفتهم .....
لأجل حالك أنا بهذلت حالي ....
وحالي يقول يللة المهم حالك ....
ودلالك زاد زيدلي أذيتي ......
وأذيتي أكمالة هم تحب دلالك ........
يشابع نوم واللة أقراية قاريك ...
مدري شمالي ومدري أشمالك ........
قالولك قبل عندي علاقات ...
غيرك عاشق أني هواي أسامي .
أعشقت غيرك نعم .........
بس تعرف شلون عشقتهم مو صدق وأنا بحلامي .....
وأنا عندي قصد حبيت غيرك .
حتى أمتلك خبرة في غرامك .........
صار سنين أحضر وأقرة لهواك ......
وصار سنين أحضر في كلامي .........
لأن ميصير أحبك مثل غيرك ......
وأنة الضامك لأخر أيامي ....
أنا الحبيتهم كانو أبروفات ....
حتى أنتة تضل مسك الختامي .........
عليك أتطوطحت صاحي مو سكران ........
وأنا أول محب سكران صاحي .
دوام أهل المدارس وقت وأحد ..........
ودوامك بالقلب عصري وصباحي ....
ودوامك بالقلب عصري وصباحي .